6897《不如「南下」消費》

俱說「北上」消費，不可思議。
都要有時間「上」得㗎，車費，交通，出入境，精神消耗等，統統是成本；即使深圳物價極便宜，亦難抵開銷。
寧願落街食碗「小什麵」，盛惠 60 元。可能因為咁大使，沒跟大隊「北上」，不夠慳儉，留港消費使哂啲錢，老來貧病交迫扺我死。
如果一定要「北上」，寧願往尖沙咀。逢香港藝術節/戲曲節等，總要去文化中心/大劇院；順道往對面的半島酒店大堂，吃全港最豪華的「香蕉船」，三球雪糕加粉紅色綿花糖，誰說不消費？
平時在金鐘/中上環，已佈滿香港景点；上下班乘「香港三寶」之一的叮叮電車，与世界各地遊客，埋身肉搏，日日練詠春咁，爭上落車，已經累得要死。
好彩擠出点時間，都想上山頂，連半山寶雲道，亦久違了。還有大嶼山，南丫島，長洲，甚至澳門等，仍未得閒去，甚念。
或乾脆放大假，專程「北上」往順德，廣州，甚至更遠的西安，太倉，成都等等，恨到流口水，只恨時間不夠用。
先前，才說起《九運南下》（10月10日文），放諸中國，在正南方，從老撾直落星馬泰；放諸小小香港，落在香港仔。
海洋公園的「六大熊貓」，三生三旦，將會帶動經濟；不止旺公國，週邊的酒樓/餐廳/咖啡室/茶記/街巿，以至手信店等，亦有「火燒連環船」效應，大旺特旺；只可惜「珍寶海鮮舫」，早已屍沉海底，等不及了。
除「南下」香港仔，其他北區的各路英雄，亦紛紛「南下」中上環/灣仔。像荃灣的劉興記生煎包；元朗合興粉麵；尖沙咀世華茶餐廳等；南來北往，勝者為王，原是香港常態。😊