6698《預言：香港電影復興》

大家可有發覺：最近出現大量影評？
常見於報章/雜誌/社交媒體等等，無處不在，泛濫成災。
不只寫文章。有拍片，有網台，有討論區；總之一部電影拍出來，幾百人多角度評論，上下左右前後包抄，無微不至。
像韓國非常之引以為傲的 kim chi （ 泡菜 ）。可憐一顆白菜，遭千百「醃」，又晒又浸又壓，仲要雪凍入瓶/罌/罐，飽受蹂躪，死亡過程漫長而痛苦。
点解搞成咁？反問一句：當今時勢，唔請電影，講乜？
一不怕犯法。二不怕誹謗。三不怕得罪人（得罪得起）。還有第四，批評的成本低，任駡任踩，不費一毛錢。
你拍部電影才辛苦，又有投資風險。但係齋嗡唔使錢，仲可以站在「評論高地」，指指点点，自我感覺非常良好。
論命理，這種憑意識形態的爭論，有名堂「廉貞」「化祿」，盛於今年2024甲辰龍年，大家鬥吹。
勿小覷，吹吹吓，如果吹得有見地，得人賞識，有機會當導演。像大導演張徹（1923-2002年），正是憑報章上寫影評，被邵氐請去當「顧問」，繼而自己來「編劇」，最終登上「導演」的寶座；拍出多部具影響力的電影（《獨臂刀》，《金燕子》，《報仇》等），完全是「男人的浪漫」。
當然，未必每一個評論者，都可以成為導演。但是講的人多，剌激巿場；增加觀眾的入場意欲，票房升，拍片量亦自然升。
所謂「話題之作」，最怕拍出來冇人講。正如上世紀「六七暴動」後，巿民需要大量娛樂，於是有七十年代，「拳頭与帎頭」的港產片盛世。😊